maandag 21 januari 2019
[Beluister hier.]
Wie greun woar dit land vuur de koele hej koame
wie greun en wie sjoën, mar vergeëte en erm
wie zjwat woëd dit land wie de sjteeberge koame
wie zjwat van d'r zjwaam, van d'r sjtöb en d'r lerm
wie riek woëd dit land, wie me löaker ging boare
en de goodsjtukke d'r oet bloos mit zjwoar dynamiet
wie sjeef hong dit land wie de eëd doe ging basjte
en de hoezer verzakde, wie me huuj zelfs nog ziet
Mar leef is mie land mich ummer gebliëve
wie et woar, wie et is en wie et och weëd
want good is mie land en zoë zal et blieve
e sjtuk van mie hart, van mie leëve op eëd
Wie vol woëd dit land wie al die vreeme hej koame
en ing botteram vonge deep in de gronk
wie gruuëtsj woar dit land op de krach van d'r koelmaan
deë et land en zien luuj neuje welvaart toen sjonk
Mar leef is mie land…
Wie modern woëd et land wie et chemisch gong dinke
en nylon kos winne oet öal en oet koal
wie sjiek woëd dit land wie et Holländsj kos sjpreëke
en dörpkes ging bouwe oet plastic en sjtoal
Mar leef is mie land…
Wie sjraal woëd mie land wie de koele verdwene
mit wirkplaatsje, keultoeres, piepe en aal
Wie vlak woëd et land oane sjteeberg en sjachte
doa likt noe mie land, kiek, wie naksj en wie kaal
Mar leef is mie land…
Wie kòd is mie land en wie kòd is et leëve
van koelluuj mit sjtöb en e krankepensioën
wie sjtil is dit land vuur al die wirkloze
die hèl hont gewirkt - is dat noe hun loën?
Mar leef is mie land…
1976
Voor toelichting: lees hier.
Voor vertaling: lees hieroder.
Hoe groen was dit land voor de mijnen er kwamen
hoe groen en hoe mooi, maar vergeten en arm
Hoe zwart werd dit land toen er steenbergen kwamen
hoe zwart van de rook, vol stof en lawaai
Hoe rijk werd dit land toen men gaten ging boren
en er goudstukken uit blies met zwaar dynamiet
Hoe scheef hing dit land toen de aarde ging barsten
en de huizen verzakten, zoals men nu zelfs nog ziet
Maar mijn land is mij altijd lief gebleven
zoals het was, zoals het is en hoe het ook zal worden
want goed is mijn land en zo zal het blijven
een stuk van mijn hart, van mijn leven op aarde
Hoe vol werd dit land toen al die vreemdelingen er kwamen
en een boterham vonden diep in de grond
Hoe trots was dit land op de kracht van de mijnwerker
die het land en zijn mensen nieuwe welvaart toen schonk
Maar mijn land is mij...
Hoe modern werd dit land toen het chemisch ging denken
en nylon kon winnen uit olie en kolen
Hoe sjiek werd dit land toen het Hollands kon spreken
en dorpjes ging bouwen van plastic en staal
Maar mijn land is mij....
Hoe schraal werd mijn land toen de mijnen verdwenen
met werkplaatsen, koeltorens, schoorstenen en alles
Hoe vlak werd het land zonder steenbergen en schachten
daar ligt nu mijn land, kijk, hoe naakt en hoe kaal
Maar mijn land is mij ...
Hoe koud is mijn land en hoe koud is het leven
van mijnwerkers met stoflongen en een ziekenpensioen
hoe stil is dit land voor al die werklozen
die hard hebben gewerkt - is dat nu hun loon?
Maar mijn land is mij...
